കൊച്ചി: 29ഓളം വിദ്യാര്‍ത്ഥികള്‍ക്ക് സിബിഎസ്ഇ പത്താംക്ലാസ് പരീക്ഷ എഴുതാന്‍ കഴിഞ്ഞില്ലെന്ന് പരാതി. എറാണാകുളത്തെ തോപ്പുംപടി അരൂജാസ് ലിറ്റില്‍ സ്റ്റാര്‍ സ്‌കൂളിലെ വിദ്യാര്‍ത്ഥികള്‍ക്കാണ് മാനേജ്‌മെന്റ് വീഴ്‌ചെ തുടര്‍ന്ന് ഈ ദുരവസ്ഥ ഉണ്ടായിരിക്കുന്നത്.
താട്ടുംപടി മൂലംകുഴി സ്‌കൂളിന് മുന്നില്‍ പരീക്ഷ എഴുതാന്‍ കഴിയാത്ത വിദ്യാര്‍ത്ഥികളും മാതാപിതാക്കളും ഇപ്പോള്‍ പ്രതിഷേധം നടത്തുകയാണ്. മാനേജ്‌മെന്റിന്റെ വീഴ്ചയെ തുടര്‍ന്നാണ് പരീക്ഷ എഴുതാന്‍ സാധിക്കാത്തതെന്ന് സ്‌കൂള്‍ കവാടം ഉപരോധിക്കുന്ന മാതാപിതാക്കള്‍ ആരോപിച്ചു. സ്‌കൂളിന് അംഗീകാരമില്ലെന്നത് മറച്ചുവെച്ചുവെന്നും രക്ഷിതാക്കള്‍ പറഞ്ഞു.
