കൊല്ലം: സംസ്ഥാനത്ത് കശുവണ്ടി പരിപ്പിന്റെ കയറ്റുമതി ഇടിയുന്നു. ഫാക്ടറികള് കൂട്ടത്തോടെ അടഞ്ഞുകിടക്കുന്നതും വ്യവസായികള് മറ്റ് സംസ്ഥാനങ്ങളിലേക്ക് ഫാക്ടറികള് മാറ്റിയതുമാണ് കയറ്റുമതി ഇടിയാന് കാരണം. പത്ത് വര്ഷം മുമ്പുള്ളതിന്റെ പകുതിയില് താഴെയാണ് ഇപ്പോഴത്തെ കയറ്റുമതി എന്നാണ് റിപ്പോര്ട്ട്.
2011-12 വര്ഷത്തില് 68655 മെട്രിക് ടണ് കശുവണ്ടിയാണ് കയറ്റി അയച്ചിരുന്നത്. എന്നാല് 2018-19ല് 29062 മെട്രിക് ടണ് മാത്രമാണ് കയറ്റിയയച്ചത്. 9 വര്ഷം മുമ്പ് രാജ്യത്ത് നിന്നും കയറ്റിഅയയ്ക്കുന്ന കശുവണ്ടി 52.4 ശതമാനം കേരളത്തില് നിന്നായിരുന്നു. ഇത് കഴിഞ്ഞവര്ഷം 42.7 ശതമാനമായി ഇടിഞ്ഞു. യു.എ.ഇ, നെതര്ലന്ഡ്, ജപ്പാന്, സൗദി അറേബ്യ, ജര്മ്മനി, ഫ്രാന്സ്, സ്പെയിന്, കുവൈറ്റ് തുടങ്ങിയ രാജ്യങ്ങളിലേക്കാണ് പ്രധാനമായും കശുവണ്ടി കയറ്റി അയയ്ക്കുന്നത്.