ജാക്കി എസ്. കുമാര്‍ സംവിധാനം ചെയ്യുന്ന ‘2 സ്റ്റേറ്റ്‌സ്’ എന്ന ചിത്രത്തിന്റെ ട്രെയിലര്‍ പുറത്തിറങ്ങി. ചിത്രത്തില്‍ മുകേഷ് ആണ് കേന്ദ്രകഥാപാത്രത്തെ അവതരിപ്പിക്കുന്നത്.
പ്രണയവും കോമഡിയും പശ്ചാത്തലമാക്കിയാണ് ചിത്രം ഒരുക്കിയിരിക്കുന്നത്. ചിത്രത്തില്‍ വിജയരാഘവനും എത്തുന്നുണ്ട്. മുകേഷിന്റെ അച്ഛനായിട്ടാണ് വിജയരാഘവന്‍ അഭിനയിക്കുന്നത്.
മനു പിള്ളൈ, ശരണ്യ നായര്‍ എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങള്‍. ചിത്രത്തിന് സംഗീതമൊരുക്കുന്നത് ജേക്സ് ബിജോയ് ആണ്. സാഗര്‍ ദാസ് എഡിറ്റിങ് നിര്‍വഹിക്കുന്നു. റിസൈസന്‍സ് പിക്‌ചേഴ്‌സിന്റെ ബാനറില്‍ നൗഫര്‍ എം തമീം, സുല്‍ഫിക്കര്‍ കലീല്‍ എന്നിവരാണ് ചിത്രം നിര്‍മിക്കുന്നത്.
