തിരുവനന്തപുരം: സംസ്ഥാനത്തിന്റെ വിവിധ ഭാഗങ്ങളില്‍ നിന്ന് കാണാതായ ആളുകള്‍ ഐഎസില്‍ ചേര്‍ന്നുവെന്ന വാര്‍ത്തയുടെ യാഥാര്‍ഥ്യം കണ്ടെത്താനുള്ള അന്വേഷണം നടക്കണമെന്ന് കോണ്‍ഗ്രസ് നേതാവ് എ കെ ആന്റണി. സംഭവത്തിന്റെ നിജസ്ഥിതി എത്രയും വേഗം പുറത്തുകൊണ്ടുവരണമെന്നും അദ്ദേഹം ആവശ്യപ്പെട്ടു.
സംഭവത്തില്‍ ഗൌരവതരമായ അന്വേഷണം നടക്കണമെന്ന് പ്രതിപക്ഷ നേതാവ് രമേശ് ചെന്നിത്തലയും ആവശ്യപ്പെട്ടു. കാണാതായവര്‍ക്കെല്ലാം ഐഎസ് ബന്ധമുണ്ടെന്ന് അന്വേഷണത്തില്‍ കണ്ടെത്താതെ ഉറപ്പിക്കാനാവില്ല. ആവശ്യമെങ്കില്‍ സംസ്ഥാന സര്‍ക്കാര്‍ കേന്ദ്ര ഏജന്‍സിയുടെ സഹായം തേടണമെന്നും അദ്ദേഹം പറഞ്ഞു.
