കോട്ടയം: കെവിന്‍ ജോസഫിനെ കൊലപ്പെടുത്തിയ കേസിലെ മുഖ്യപ്രതികളായ ഷാനു ചാക്കോയേയും, ചാക്കോയേയും ഇന്ന് കോടതിയില്‍ ഹാജരാക്കും.
പ്രതികളെ കസ്റ്റഡിയില്‍ വേണമെന്ന അപേക്ഷയും പൊലീസ് നല്‍കും. എന്നാല്‍ കസ്റ്റഡിയിലുള്ള 2 പൊലീസുകാര്‍ കുറ്റകൃത്യത്തിനായി ഷാനുവിനെ സഹായിച്ചെന്ന് തെളിവില്ലെന്നാണ് പൊലീസ് പറയുന്നത്.
കേസില്‍ പൊലീസിന്റെ വീഴ്ച കൂടുതല്‍ വ്യക്തമാക്കുന്നതാണ് അന്വേഷണ സംഘത്തിന്റെ കണ്ടെത്തല്‍. കേസില്‍ ഇതുവരെ 9 പേരാണ് അറസ്റ്റിലായത്. ഇനി നാല് പേര്‍ കൂടി പിടിയിലാവാനുണ്ട്.
