സല്‍മാന്‍ ഖാന്റെ പുതിയ ചിത്രം കിക്ക് 2ല്‍ കൃതി സനോന്‍ നായികയാകുന്നു. സാജിത് നദിയാദ്‌വാല സംവിധാനം ചെയ്യുന്ന ചിത്രത്തില്‍ എമി ജാക്‌സണായിരിക്കും നായികയായി എത്തുന്നതെന്ന് വാര്‍ത്തകള്‍ ഉണ്ടായിരുന്നു.
കിക്കിലും തനിക്ക് അഭിനയിക്കാന്‍ അവസരം വന്നിരുന്നു എന്നാല്‍ ഡെയ്റ്റ് പ്രശ്‌നങ്ങള്‍ മൂലം അഭിനയിക്കാന്‍ സാധിച്ചില്ല എന്ന് എമി പറഞ്ഞിരുന്നു. ഐ എന്ന ചിത്രത്തിനായി സംവിധായകന്‍ ശങ്കറുമായി മൂന്നുവര്‍ഷത്തെ കരാറില്‍ ഒപ്പിട്ടതു മൂലമാണ് കിക്ക് 2ല്‍ എമിക്ക് അഭിനയിക്കാന്‍ കഴിയാത്തത്.
സാജിത് നദിയാദ്‌വാല നിര്‍മ്മിച്ച ഹീറോപാന്തി എന്ന ചിത്രത്തില്‍ ടൈഗര്‍ ഷറോഫിന്റെ നായികയായി അഭിനയിച്ചത് കൃതിയായിരുന്നു. എന്നാല്‍ ചിത്രത്തിലെ മറ്റു താരങ്ങളെ കുറിച്ചുള്ള വിവരങ്ങളൊന്നും പുറത്തു വന്നിട്ടില്ല.
കിക്ക്2ല്‍ ജാക്വുലിന്‍ ഉണ്ടായിരിക്കില്ലയെന്ന് സല്‍മാന്‍ മുമ്പ് പറഞ്ഞിരുന്നു. പല മുന്‍നിര നടിമാരുടെ പേരും ചിത്രത്തിലെ നായികയായി പറഞ്ഞു കേട്ടിരുന്നു. കിക്ക്2വിന്റെ ചിത്രീകരണം ഈ വര്‍ഷം പകുതിയോടെ ആരംഭിക്കും.
