തിരുവനന്തപുരം: നെടുമങ്ങാട് വാളികോടില്‍ ഭാര്യയെ വെട്ടിക്കൊലപ്പെടുത്തിയ ശേഷം ഭര്‍ത്താവ് ആത്മഹത്യയ്ക്ക് ശ്രമിച്ചു. വാളികോട് പനക്കല്‍ ശ്രീവത്സത്തില്‍ സതീശന്‍ നായരുടെ ഭാര്യ ഷീജയെയാണ് വെട്ടേറ്റ നിലയില്‍ കണ്ടെത്തിയത്. വീടിനുള്ളില്‍ കൈ ഞരമ്പ് മുറിച്ച് അവശനിലയിലായിരുന്നു സതീശന്‍ നായര്‍.
ഇരുവരെയും തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചുവെങ്കിലും ഷീജയുടെ മരണം സ്ഥിരീകരിക്കുകയായിരുന്നു. കുടുംബ പ്രശ്നങ്ങളാണ് സംഭവത്തിനു പിന്നിലെന്നാണ് പ്രാഥമിക നിഗമനം. നെടുമങ്ങാട് പൊലീസ് അന്വേഷണം ആരംഭിച്ചു.
