ന്യൂഡല്‍ഹി: കീര്‍ത്തി ആസാദിന്റെ ഭാര്യ പൂനം ആസാദ് ആംആദ്മി വിട്ട് കോണ്ഗ്രസിലേക്ക്. പൂനം ചൊവ്വാഴ്ചയാണ് കോണ്‍ഗ്രസില്‍ ചേര്‍ന്നത്.
ഇക്കാര്യം ഡല്‍ഹി കോണ്‍ഗ്രസ് അധ്യക്ഷന്‍ അജയ് മാക്കന്‍ വാര്‍ത്ത സമ്മേളനത്തില്‍ വ്യക്തമാക്കി. ആംആദ്മിയില്‍ നിന്നും എത്തിയ പൂനവും അവരുടെ സുഹൃത്തുകളും കോണ്‍ഗ്രസ് അംഗത്വം സ്വീകരിച്ചതായി മാക്കന്‍ പറഞ്ഞു.
അഞ്ച് മാസങ്ങള്‍ക്കു മുന്‍പാണ് പൂനം ബിജെപി വിട്ട് ആംആദ്മിയില്‍ ചേര്‍ന്നത്.
കേന്ദ്രമന്ത്രി അരുണ്‍ ജയ്റ്റിലിക്കെതിരെ അഴിമതി ആരോപണം ഉന്നയിച്ചതിനെ തുടര്‍ന്ന് പൂനത്തിന്റെ ഭര്‍ത്താവും മുന്‍ ക്രിക്കറ്റ് താരവുമായ കീര്‍ത്തി ആസാദിനെ ബിജെപിയില്‍ നിന്നു സസ്‌പെന്‍ഡ് ചെയ്തിരിക്കുകയാണ്.
