നെടുമ്പാശ്ശേരി: കൊച്ചി രാജ്യാന്തര വിമാനത്താവളത്തില്‍ ആഭ്യന്തര യാത്രക്കാരുടെ എണ്ണം കൂടിയ സാഹചര്യത്തില്‍ ആഭ്യന്തര യാത്രക്കാര്‍ക്ക് ചെക്ക് ഇന്‍ ചെയ്യാനുള്ള സമയ പരിധി വര്‍ധിപ്പിച്ചു. നാളെ മുതല്‍ വിമാനം പുറപ്പെടുന്നതിന് മൂന്ന് മണിക്കൂര്‍ മുമ്പ് ചെക്ക് ഇന്‍ ചെയ്യാം.
നിലവില്‍ വിമാനം പുറപ്പെടുന്നതിന് രണ്ട് മണിക്കൂര്‍ മുമ്പാണ് ചെക്ക് ഇന്‍ കൗണ്ടറുകള്‍ തുറക്കുന്നത്. എന്നാല്‍ വിമാനത്താവളത്തില്‍ സുരക്ഷാ സംവിധാനങ്ങള്‍ കര്‍ശനമാക്കിയത് മൂലം പരിശോധന വന്‍ തിരക്ക് അനുഭവപ്പെടുന്ന സാഹചര്യത്തിലാണ് വിമാനത്താവള കമ്പനിയായ സിയാല്‍, വിമാനകമ്പനികളോട് ചെക്ക് ഇന്‍ ചെയ്യാനുള്ള സമയം കൂട്ടാന്‍ ആവശ്യപ്പെട്ടത്.
