കൊച്ചി: സംസ്ഥാനത്ത് കൊറോണ വൈറസ്‌ പടര്‍ന്ന് പിടിക്കുന്ന സാഹചര്യത്തില്‍ അതീവ ജാഗ്രത നിര്‍ദേശമാണ് പുറപ്പെടുവിച്ചിരിക്കുന്നത് എന്നിട്ടും നിര്‍ദേശം പാലിക്കാതെ കടന്ന് കളയുന്നവര്‍ ധാരാളമാണ്. ഇപ്പോഴിതാ ബ്രിട്ടനില്‍ നിന്നെത്തിയ ഒരു വിനോദ സഞ്ചാരിക്കും കൊറോണ സ്ഥിരീകരിച്ചു.
ദുബായ് എമിറേറ്റ്‌സ് വിമാനത്തില്‍ കടന്ന് കളയാന്‍ ശ്രമിച്ച ഇയാളടങ്ങുന്ന സംഘത്തെ അധികൃതര്‍ തിരിച്ചിറക്കി.രോഗിക്കൊപ്പം 19 അംഗ സംഘമാണ് ഉണ്ടായിരുന്നത്.
സംഭവത്തില്‍ വിമാനത്തിലെ 270 പേരെയും പുറത്തിറക്കി ആശുപത്രിയിലെത്തിച്ച് പരിശോധിക്കുമെന്ന് അധികൃതര്‍ അറിയിച്ചു. മൂന്നാറില്‍ എത്തിയ ഇയാള്‍ ഹോട്ടലില്‍ നിരീക്ഷണത്തിലായിരുന്നു. അവിടെ നിന്ന് അധികൃതരുടെ കണ്ണ് വെട്ടിച്ച് ഇയാള്‍ കൊച്ചിയിലെത്തുകയായിരുന്നു.
