നയന്‍താര പ്രധാന വേഷത്തിലെത്തുന്ന കൊലമാവ് കോകിലയിലെ പുതിയ പ്രൊമോ വീഡിയോ ഗാനം പുറത്തുവിട്ടു. തിട്ടം പോട തെറിയല എന്ന ഗാനം ഗായകന്‍ അനിരുദ്ധ് രവിചന്ദറാണ് ട്വിറ്ററിലൂടെ ഗാനം പങ്കുവെച്ചത്. ഗാനം ആലപിച്ചിരിക്കുന്നതും അഭിനയിച്ചിരിക്കുന്നതും അനിരുദ്ധ് തന്നെയാണ്.
ചിത്രത്തില്‍ നയന്‍താര മയക്കുമരുന്ന് കള്ളക്കടത്തുകാരിയായാണ് എത്തുന്നത്. ഈ കഥാപാത്രത്തിന് സംസാര ശേഷിയില്ലെന്നും റിപ്പോര്‍ട്ടുകള്‍ സൂചിപ്പിക്കുന്നു. യോഗി ബാബുവാണ് ചിത്രത്തിലെ നായകന്‍. നെല്‍സണ്‍ സംവിധാനം ചെയ്യുന്ന ചിത്രത്തില്‍ ശരണ്യ പൊന്‍വണ്ണന്‍, ജാക്വിലിന്‍, നിഷ എന്നിവരാണ് മറ്റു താരങ്ങള്‍. ലൈക പ്രൊഡക്ഷന്‍സിന്റെ ബാനറില്‍ അല്ലിരാജ സുബാസ്‌കറാണ് ചിത്രം നിര്‍മ്മിക്കുന്നത്.
Here we go – #ThittamPodaTheriyala promo video – https://t.co/4tkPvXaoDo
Hope you enjoy it 🙂 #KolamaavuKokila from Aug 17th 🙂
Thank you so much @VigneshShivN for this video 🙂 You are special ?#Nayanthara @Nelson_director @LycaProductions @zeemusicsouth— Anirudh Ravichander (@anirudhofficial) August 5, 2018
അതേസമയം, അനിരുദ്ധ് രവിചന്ദര്‍ സംഗീതം നല്‍കിയ കൊലമാവ് കോകിലയില ഗാനങ്ങള്‍ ഇതിനോടകം തന്നെ ഹിറ്റായി കഴിഞ്ഞിരിക്കുകയാണ്. ചിത്രത്തിലെ കല്യാണ വയസ് എന്ന ഗാനം ഇതുവരെ യൂട്യൂബില്‍ 37 മില്യണ്‍ ആളുകളാണ് കണ്ടത്. ചിത്രം ആഗസ്റ്റ് 17ന് തിയറ്ററുകളിലെത്തും.
