കൊരട്ടി: വീട്ടമ്മയെ പീഡിപ്പിച്ചെന്ന കേസില്‍ യുവാക്കള്‍ അറസ്റ്റില്‍. ഡി.വൈ.എഫ്.ഐ. മറ്റത്തൂര്‍ മേഖല സെക്രട്ടറി മറ്റത്തൂര്‍ മാണപ്പുള്ളി ശ്രീകാന്ത് (24), സുഹൃത്ത് കൊളത്തൂര്‍ മരേക്കാട്ടുവളപ്പില്‍ സന്ദീപ് (23) എന്നിവരെയാണ് പൊലീസ് അറസ്റ്റുചെയ്തത്.
2016 മുതല്‍ വീട്ടമ്മയെ ഇരുവരും പല തവണ പീഡനത്തിനിരയാക്കിയതായാണ് പരാതി. രണ്ടുദിവസം മുമ്പാണ് മുന്‍ പരിജയം മുതലെടുത്ത് യുവാക്കള്‍ കാലങ്ങളായി തന്നെ പീഡനത്തിനിരയാക്കുകയായിരുന്നുവെന്ന് യുവതി പരാതി നല്‍കിയത്.
അന്വേഷണം തുടരുന്നതിനാല്‍ പരാതിയിലെ കൂടുതല്‍ വിവരങ്ങള്‍ വെളിപ്പെടുത്താന്‍ കഴിയില്ലെന്നും, അന്വേഷണം പൂര്‍ത്തിയാക്കാന്‍ കഴിയാതിരുന്നതിനാലാണ് അറസ്റ്റ് വൈകിയതെന്നും പൊലീസ് പറഞ്ഞു.
