കോട്ടയം: റോഡ് നിര്‍മ്മിച്ച് നല്‍കാത്തതില്‍ പഞ്ചായത്ത് ഓഫീസ് അടിച്ചുതകര്‍ത്ത് യുവാവ് . കോട്ടയത്തെ ചെമ്പ് പഞ്ചായത്ത് ഓഫീസിനു നേരെയാണ് ആക്രമണം ഉണ്ടായത്. സംഭവത്തില്‍ വടക്കേക്കാട്ടില്‍ സജിമോനെ(35) പൊലീസ് കസ്റ്റഡിയിലെടുത്തു. ഇയാളുടെ കൈകള്‍ക്കു പരിക്കുണ്ട്.
വീടിനു സമീപത്തെ റോഡ് നന്നാക്കാത്തതില്‍ സജിമോന്‍ കഴിഞ്ഞ ദിവസം പഞ്ചായത്ത് ഓഫീസിലെത്തി സെക്രട്ടിയുമായി തര്‍ക്കത്തിലേര്‍പ്പെട്ടിരുന്നു. ഇതേത്തുടര്‍ന്നാണ് ഇയാള്‍ ഓഫീസ് അടിച്ചുതകര്‍ത്തത്.
കഴിഞ്ഞദിവസം രാത്രിയിലാണ് മാനസികമായി വൈകല്യമുള്ള യുവാവ് കൈ ഉപയോഗിച്ച് ഓഫീസിന്റെ ജനല്‍ ചില്ലുകള്‍ അടിച്ചു തകര്‍ത്തത്. തുടര്‍ന്ന് യുവാവിനെ പരിക്കുകളോടെ ആശുപത്രിയില്‍ പ്രവേശിപ്പിക്കുകയായിരുന്നു.സംഭവത്തില്‍ പൊലീസ് അന്വേഷണം ആരംഭിച്ചു.
