കുവൈറ്റ് സിറ്റി: കുവൈറ്റില്‍ ഇന്ന് 1,490 പേര്‍ക്ക് രോഗം സ്ഥിരീകരിച്ചു. ഇതൊടെ കൊവിഡ് ബാധിതരുടെ എണ്ണം 375,594 ആയി. ഇന്ന് 17 കൊവിഡ് മരണങ്ങളാണ് റിപ്പോര്‍ട്ട് ചെയ്തത്. ഇതില്‍ ഒരാള്‍ രണ്ട് ഡോസ് വാക്‌സിന്‍ സ്വീകരിച്ചയാളാണ്. ഇതോടെ ആകെ മരണസംഖ്യ 2,117 ആയി ഉയര്‍ന്നു.
24 മണിക്കൂറിനിടെ 1,626 പേര്‍ കുവൈറ്റില്‍ കൊവിഡ് മുക്തരായി. ഇതുവരെ 355,562 പേരുടെ രോഗം ഭേദമായിട്ടുണ്ട്. ആകെ കൊവിഡ് ബാധിതരില്‍ 94.67 ശതമാനം പേരുടെയും രോഗം മാറി. 17,915 പേര്‍ നിലവില്‍ ചികിത്സയിലാണ്. 1,183 പേര്‍ കൊവിഡ് വാര്‍ഡുകളിലും, 321 പേര്‍ തീവ്രപരിചരണ വിഭാഗത്തിലും ചികിത്സയിലാണ്. 11.92 ശതമാനമാണ് ടെസ്റ്റ് പോസിറ്റിവിറ്റി നിരക്ക്.
