മുംബൈ: ഡൽഹി ക്യാപിറ്റൽസിന്റെ ദക്ഷിണാഫ്രിക്കൻ പേസർ ആൻറിച് നോർക്കിയക്ക് കൊവിഡ്. ഐപിഎലിനു മുന്നോടിയായി ഇന്ത്യയിലെത്തി ക്വാറന്റീനിൽ കഴിയവെയാണ് താരത്തിനു കൊവിഡ് സ്ഥിരീകരിച്ചിരിക്കുന്നത്. കഴിഞ്ഞ ദിവസമാണ് ക്വാറന്റീൻ കാലാവധി അവസാനിക്കേണ്ടിയിരുന്നത്. എന്നാൽ, കൊവിഡ് ബാധ സ്ഥിരീകരിച്ചതിനാൽ വീണ്ടും 10 ദിവസം കൂടി നോർക്കിയ ക്വാറന്റീനിൽ കഴിയേണ്ടിവരും. തുടർന്ന് രണ്ട് ടെസ്റ്റുകൾ നെഗറ്റീവായാലേ താരത്തിന് ടീമിനൊപ്പം ചേരാൻ കഴിയൂ.
ദക്ഷിണാഫ്രിക്കൻ ടീമിലെ സഹതാരമായ കഗീസോ റബാഡയ്ക്കൊപ്പമാണ് നോർക്കിയ ഇന്ത്യയിൽ എത്തിയത്. അതേസമയം, കൈക്ക് പരുക്കേറ്റ് പുറത്തായ ഇംഗ്ലണ്ട്-രാജസ്ഥാൻ റോയൽസ് ഓൾറൗണ്ടർ ബെൻ സ്റ്റോക്സ് ഐപിഎൽ നിന്ന് പുറത്തായി. പഞ്ചാബിനെതിരെ നടന്ന ആദ്യ മത്സരത്തിൽ ക്യാച്ചെടുക്കുന്നതിനിടെയാണ് സ്റ്റോക്സിന് പരുക്ക് പറ്റിയത്.
