തിരുവനന്തപുരം: തൊഴിലാളി യൂണിയനുകള്‍ ജനുവരി 24ന് പ്രഖ്യാപിച്ചിരിക്കുന്ന വാഹനപണിമുടക്കില്‍ കെഎസ്ആര്‍ടിസിയിലെ ഇടതുയൂണിയനുകളും പങ്കെടുക്കുന്നു. ഇതുസംബന്ധിച്ചുള്ള നോട്ടീസ് സിഐടിയു, എഐടിയുസി സംഘടനകള്‍ നല്‍കികഴിഞ്ഞു.
ഇന്ധന വില വര്‍ധനവില്‍ പ്രതിഷേധിച്ചാണ് യൂണിയനുകള്‍ പണിമുടക്ക് നടത്തുന്നത്. സ്വകാര്യ ബസുകള്‍, ഓട്ടോറിക്ഷകള്‍, ചരക്ക്ടാങ്കര്‍ ലോറികള്‍ തുടങ്ങിയവ പണിമുടക്കില്‍ പങ്കെടുക്കും. രാവിലെ ആറ് മുതല്‍ വൈകിട്ട് ആറ് വരെയാണ് പണിമുടക്ക്.
