തിരുവനന്തപുരം : കെ.എസ്.ആര്‍.ടി.സിയെ തകര്‍ത്തത് ടോമിന്‍ ജെ തച്ചങ്കരിയെപോലുള്ള ഭ്രാന്തന്മാരാണെന്ന് സി.ഐ.ടി.യു. സംസ്ഥാന ജനറല്‍ സെക്രട്ടറി എളമരം കരീം.
മുഖ്യമന്ത്രിയെ പോലും കോര്‍പറേഷന്‍ ലാഭത്തിലാണെന്നു പറഞ്ഞു പറ്റിച്ചു, വരുമാനത്തില്‍ നിന്ന് ശമ്പളം കൊടുത്തപ്പോഴും ബാക്കിയെല്ലാം കടത്തിലായിരുന്നുവെന്നും അദ്ദേഹം പറഞ്ഞു.
ഈ സര്‍ക്കാര്‍ വന്ന ശേഷം 2000 കോടി രൂപയാണ് കെ.എസ്.ആര്‍.ടി.സിക്ക് നല്‍കിയത്. എന്നിട്ടും രക്ഷപ്പെട്ടില്ല. ഇനി രക്ഷിക്കാന്‍ ആര്‍ക്കും കഴിയില്ലെന്നും എളമരം കരീം വ്യക്തമാക്കി.
ഇപ്പോള്‍ നേരിടുന്ന സാമ്പത്തിക പ്രതിസന്ധിക്ക് കാരണം തച്ചങ്കരിയുടെ പരിഷ്‌ക്കാരങ്ങളാണ്. യൂണിയനുകള്‍ ഇടപെട്ടിട്ടല്ല തച്ചങ്കരിയെ മാറ്റിയതെന്നും അദ്ദേഹം അറിയിച്ചു.
