കൊച്ചി: കുസാറ്റില്‍ കെ.എസ്.യു-എംഎസ്എഫ് സംഘര്‍ഷം. കോളേജ് ഇലക്ഷനുമായി ബന്ധപ്പെട്ട വിഷയത്തിലുണ്ടായ തര്‍ക്കമാണ് സംഘര്‍ഷത്തില്‍ കലാശിച്ചത്. എംഎസ്എഫിന് പറഞ്ഞുറപ്പിച്ച സീറ്റില്‍ കെ.എസ്.യു റിബല്‍ സ്ഥാനാര്‍ത്ഥിയെ നിര്‍ത്തിയതിനെ തുടര്‍ന്നാണ് തര്‍ക്കം ആരംഭിച്ചത്. പൊലീസ് ഇടപെട്ട് പ്രവര്‍ത്തകരെ പിടിച്ചുമാറ്റി.
കെ.എസ്.യുവിന്റെ റിബല്‍ സ്ഥാനാര്‍ത്ഥി തിരഞ്ഞെടുപ്പില്‍ ജയിച്ചു. തുടര്‍ന്ന് കെ.എസ്.യു നടത്തിയ ആഹ്‌ളാദ പ്രകടനത്തില്‍ ആണ് സംഘര്‍ഷം ഉണ്ടായത്. കെ.എസ്.യുവിന്റെ ആഹ്‌ളാദ പ്രകടനം എംഎസ്എഫ് തടഞ്ഞു. കെ.എസ്.യു ചതിച്ച് സീറ്റ് സ്വന്തമാക്കിയെന്ന് എംഎസ്എഫ് സംസ്ഥാന പ്രസിഡന്റ് പി കെ നവാസ് ആരോപിച്ചു.
