കൊച്ചി: ലോക അത്‌ലറ്റിക് ചാംപ്യന്‍ഷിപ്പ് ടീമില്‍ നിന്നും പി യു ചിത്രയെ ഒഴിവാക്കിയതില്‍ പ്രതിഷേധിച്ച് പി ടി ഉഷ റോഡിന് പി യു ചിത്ര റോഡ് എന്ന് പുനര്‍നാമകരണം ചെയ്ത് കെഎസ്‌യു.
പെണ്‍കുട്ടികള്‍ ഉള്‍പ്പെടെയുള്ള കെഎസ്‌യു പ്രവര്‍ത്തകരാണ് പി ടി ഉഷയ്‌ക്കെതിരെ മുദ്രാവാക്യങ്ങളുയര്‍ത്തി പ്രതിഷേധവുമായി എത്തിയത്.
ജനറല്‍ ആശുപത്രി പരിസരത്തു നിന്നും മഹാരാജാസ് കോളേജ് ഗ്രൗണ്ടിന് മുന്നിലൂടെ പോകുന്ന റോഡിനാണ് പിടി ഉഷ റോഡ് എന്ന് പേര് നല്‍കിയിരുന്നത്.
അതാണ് ഇപ്പോള്‍ പി യു ചിത്ര റോഡ് എന്ന് പുനര്‍നാമകരണം ചെയ്തിരിക്കുന്നത്.
