കൊല്‍ക്കത്തയുടെ പ്ലേയിംഗ് ഇലവനില്‍ നിന്ന് കുല്‍ദീപിനെ ഒഴിവാക്കിയതിന്റെ കാരണം വ്യക്തമാക്കി പരിശീലകന്‍ ജാക്വസ് കാലീസ്. കൊല്‍ക്കത്ത കഴിഞ്ഞ മത്സരങ്ങളില്‍ കളിച്ച സാഹചര്യങ്ങള്‍ സ്പിന്നര്‍മാരെ സഹായിക്കുന്നതല്ലായിരുന്നെന്ന് പറഞ്ഞ കാലീസ് ടീം ബാലന്‍സ് നിലനിര്‍ത്തുന്നതിന് വേണ്ടി കുല്‍ദീപിനെ ഒഴിവാക്കാന്‍ കൊല്‍ക്കത്ത നിര്‍ബന്ധിതരാവുകയായിരുന്നെന്നും കൂട്ടിച്ചേര്‍ത്തു.
പരിശീലകന്റെ വാക്കുകള്‍
‘ഈ വര്‍ഷം ഞങ്ങള്‍ കൊല്‍ക്കത്തയില്‍ കളിച്ച വിക്കറ്റുകള്‍ സ്പിന്നര്‍മാരെ പിന്തുണയ്ക്കുന്നതായിരുന്നില്ല. കുല്‍ദീപിനെ സംബന്ധിച്ചിടത്തോളം വളരെ ബുദ്ധിമുട്ടേറിയ സീസണാണ് ഇത്. പക്ഷേ ഇതില്‍ നിന്ന് അദ്ദേഹം ഒത്തിരി പാഠങ്ങള്‍ പഠിക്കും. 50 ഓവര്‍ മത്സരങ്ങളും, 20 ഓവര്‍ മത്സരങ്ങളും തമ്മില്‍ ഭീമമായ വ്യത്യാസമുണ്ട്.’ കാലീസ് പറഞ്ഞു.
