ശ്രീനഗര്‍: ജമ്മുകശ്മീരിലെ കുല്‍ഗാമില്‍ ഇന്ത്യന്‍ സൈന്യവും ഭീകരരും തമ്മിലുണ്ടായ ഏറ്റുമുട്ടലില്‍ ഇന്ത്യന്‍ സൈനികന് വീരമൃത്യു. പ്രദേശവാസിയായ ഒരു യുവാവിനും ജീവന്‍ നഷ്ടമായി.
ബുധനാഴ്ച പുലര്‍ച്ചെ കുല്‍ഗാമിലെ ഖുദ്‌വാനിയില്‍ ഭീകരര്‍ ഒളിച്ചിരിപ്പുണ്ടെന്ന രഹസ്യ വിവരത്തെ തുടര്‍ന്ന് നടത്തിയ തിരച്ചിലിനിടെയായിരുന്നു ആക്രമണം. സംഭവത്തില്‍ മറ്റൊരു ഇന്ത്യന്‍ സൈനികനെ ഗുരുതര പരുക്കുകളോടെ അനന്തനാഗിലെ ആശുപത്രിയില്‍ പ്രവേശിപ്പിച്ചിരിക്കുകയാണ്.
