ആലപ്പുഴ: ഇടതുമുന്നണി നടത്തുന്ന ജനജാഗ്രതാ യാത്ര എട്ടു നിലയില്‍ പൊട്ടിയെന്ന് ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍.
ആര്‍ക്കും വേണ്ടാത്ത യാത്രയായി ജനജാഗ്രതാ യാത്ര മാറിയെന്നും അദ്ദേഹം കുറ്റപ്പെടുത്തി.
ആലപ്പുഴയില്‍ ചേര്‍ന്ന ബിജെപി സംസ്ഥാന നേതൃയോഗത്തില്‍ സംസാരിക്കുകയായിരുന്നു കുമ്മനം.
കാരാട്ടുമാരാണ് സിപിഐഎമ്മിനെ ഭരിക്കുന്നത്. പകല്‍ വെളിച്ചതില്‍ ഒരു കാരാട്ടും ഇരുട്ടില്‍ മറ്റൊരു കാരാട്ടുമാണ് പാര്‍ട്ടി ഭരിക്കുന്നത്. ഏത് കാരാട്ടാണ് യഥാര്‍ത്ഥ കമ്മ്യൂണിസ്റ്റെന്നും കുമ്മനം ചോദിച്ചു.
ആഡംബര കാര്‍ വിവാദത്തില്‍ സിപിഎം കേന്ദ്ര നേതൃത്വം മറുപടി പറയണമെന്നും കുമ്മനം അഭിപ്രായപ്പെട്ടു.
തോമസ് ചാണ്ടിയും ഉമ്മന്‍ ചാണ്ടിയും കേരള രാഷ്ട്രീയത്തിലെ വികൃത രൂപങ്ങളാണെന്നും ഇരുവരും വെറും ചണ്ടികള്‍ മാത്രമാണെന്നും കുമ്മനം വ്യക്തമാക്കി
