നടന്‍ കുഞ്ചാക്കോ ബോബന്റെ പുതിയ പോസ്റ്റാണ് ഇപ്പോള്‍ വൈറലായിരിക്കുന്നത്. രണ്ട് കുട്ടികള്‍ക്ക് ചാക്കോച്ചന്‍ ലിഫ്റ്റ് നല്‍കിയ ചിത്രങ്ങളാണിത്. വാഗമണ്ണില്‍ ഷൂട്ടിങിനു പോകുന്നതിനിടെ തന്റെ വണ്ടിക്കു കൈ നീട്ടിയ രണ്ട് കുറുമ്പന്മാരെയാണ് താരം കൂടെ കൂട്ടിയത്. കൂട്ടിയത് മാത്രമല്ല ഇരുവര്‍ക്കുമൊപ്പം ചിത്രമെടുക്കുകയും ചെയ്തു.
‘വാഗമണ്‍ പോകുന്ന വഴി, രണ്ട് കുറുമ്പന്മാര്‍ക്ക് ലിഫ്റ്റ് കൊടുത്തു. അതില്‍ ഒരുവന്‍ പറയുകയാണ്, ഇവന്‍ ഭയങ്കര റോമിയോ ആണെന്ന്. ഇതില്‍ ആരാണ് റോമിയോ എന്ന് നിങ്ങള്‍ തന്നെ കണ്ടുപിടിക്കൂ’. ചിത്രം പങ്കുവെച്ച് ചാക്കോച്ചന്‍ കുറിച്ചു. ഇതിന് രസകരമായ കമന്റുകളാണ് വന്നിരിക്കുന്നത്.
