മലയാള സിനിമ ലോകത്തെ അഭിമാനിക്കാവുന്ന സംവിധായകരിൽ ഒരാളാണ് ഐ.വി. ശശി.
ഒരു ഇടവേളയ്ക്കു ശേഷം പുതിയ ചിത്രവുമായി അദ്ദേഹം വീണ്ടും പ്രേക്ഷകർക്കു മുന്നിലെത്തുകയാണ്.
ഇത്തവണ കുവൈറ്റ് യുദ്ധം പശ്ചാത്തലമാക്കി യഥാർത്ഥ യുദ്ധ കഥയാണ് ആസ്വാദകർക്കു മുന്നിലെത്തുക.
ഡാം 999 പോലുള്ള ചിത്രങ്ങളിലൂടെ കഴിവു തെളിയിച്ച സംവിധായകൻ സോഹൻ റോയിയുമായി കൈകോർത്താണ് ഐ.വി. ശശി പുതിയ ചിത്രം ഒരുക്കുന്നത്.
‘ബേണിങ് വെൽസ് ‘ എന്ന് പേരിട്ടിരിക്കുന്ന ചിത്രത്തിൽ നായകൻ ആരാണെന്ന് തീരുമാനമായിട്ടില്ല.
മഹാഭാരതം, ബാഹുബലി എന്നീ ചിത്രങ്ങൾക്ക് ശേഷം ഇന്ത്യൻ സിനിമ കാണാനിരിക്കുന്ന ദൃശ്യവിസ്മയമായിരിക്കും ചിത്രം എന്നാണ് നിർമ്മാതാവ് സോഹൻ റോയ് അഭിപ്രായപ്പെടുന്നത്.
2019 ൽ 33 ഭാഷകളിലായാണ് ചിത്രം റിലീസ് ചെയ്യുക. ചിത്രത്തിന്റെ മറ്റ് വിവരങ്ങളൊന്നും പുറത്തു വിട്ടിട്ടില്ല.
