കോഴിക്കോട്: കരിഞ്ചോലയില്‍ ഉരുള്‍പൊട്ടലില്‍ മരിച്ചവരുടെ എണ്ണം 12 ആയി. കരിഞ്ചോലയിലെ ഹസന്റെ മകള്‍ നുസ്രത്തിന്റെ മൃതദേഹമാണ് അവസാനമായി ലഭിച്ചത്. രണ്ട് ദിവസം മുമ്പുണ്ടായ ഉരുള്‍പൊട്ടലില്‍ ഇനിയും രണ്ട് പേരുടെ വിവരങ്ങള്‍ കൂടി ലഭിക്കാനുണ്ട്.
നുസ്രത്തിന്റെ മകള്‍ റിന്‍ഷയുടെയും സഹോദരി റിഫയുടെയും മൃതദേഹം നേരത്തേ കണ്ടെത്തിയിരുന്നു. ഹസനും മറ്റൊരു മകള്‍ ജന്നത്തും അപകടത്തില്‍ മരിച്ചു. ഷംനയുടെ മകള്‍ നിയ ഫാത്തിമയുടെ മൃതദേഹവും ശനിയാഴ്ച ലഭിച്ചു. കരിഞ്ചോല ഉമ്മിണി അബ്ദുറഹിമാന്റെ ഭാര്യ നഫീസ, കരിഞ്ചോല ഹസന്റെ ഭാര്യ ആസിയ എന്നിവര്‍ക്കായുള്ള തിരച്ചില്‍ തുടരുകയാണ്.
