ശ്രീനഗര്‍: കശ്മീരില്‍ ലഷ്‌കര്‍ഇ തൊയിബ കമാന്‍ഡര്‍ അബു മൂസ പൊലീസുമായുള്ള ഏറ്റുമുട്ടലില്‍ കൊല്ലപ്പെട്ടു.
വടക്കന്‍ കശ്മീരിലെ ബന്‍ദിപോറ ജില്ലയിലെ ഹാജിന്‍ മേഖലിയില്‍ പൊലീസുമായി നടന്ന ഏറ്റുമുട്ടലിലാണ് കൊല്ലപ്പെട്ടത്.
മേഖലയില്‍ തീവ്രവാദികള്‍ ഒളിഞ്ഞിരിക്കുന്നുവെന്ന രഹസ്യാന്വേഷണ വിഭാഗത്തിന്റെ റിപ്പോര്‍ട്ടിനെ തുടര്‍ന്നാണ് സുരക്ഷാ സേന ഗ്രാമത്തിലെത്തിയത്.
ഇവര്‍ക്കെതിരെ ഒളിഞ്ഞിരുന്ന തീവ്രവാദികള്‍ വെടിയുതിര്‍ക്കുകയായിരുന്നു. തുടര്‍ന്ന് സുരക്ഷാ സേന നടത്തിയ പ്രത്യാക്രമണത്തിലാണ് അബു കൊല്ലപ്പെട്ടത്.
