കൊച്ചി: നടിയെ ആക്രമിച്ച കേസില്‍ ദിലീപ് ഇന്നും ജാമ്യാപേക്ഷ നല്‍കില്ല.
നാദിര്‍ഷയുടെ മുന്‍കൂര്‍ ജാമ്യാപേക്ഷയില്‍ തീരുമാനം കാത്താണ് ദിലീപ് ജാമ്യാപേക്ഷ നല്‍കുന്നത് നീട്ടിവച്ചിരിക്കുന്നത്.
ദിലീപ് ഇന്നലെ ജാമ്യാപേക്ഷ നല്‍കുമെന്ന് മുന്‍പ് പറഞ്ഞിരുന്നെങ്കിലും ഇന്നത്തേക്ക് നല്‍കുമെന്ന് പിന്നീട് അറിയിച്ചിരുന്നു.
എന്നാല്‍ ഇന്നും ജാമ്യാപേക്ഷ നല്‍കുന്നത് മാറ്റിവച്ചു.
ജയിലിലായി 60 ദിവസങ്ങള്‍ പിന്നിടുമ്പോള്‍ ജാമ്യം തേടി ദിലീപ് കോടതിയെ സമീപിക്കാനൊരുങ്ങുന്നത് ഇത് നാലാം തവണയാണ്.
