എല്‍ ജിയുടെ ഏറ്റവും പുതിയ സ്മാര്‍ട്‌ഫോണായ എല്‍ ജി എക്‌സ് 5 വിപണിയിലെത്തി. 4500 മില്ലി ആമ്പിയറിന്റെ മികച്ച ബാറ്ററിയാണ് ഫോണിന്റെ പ്രധാന സവിശേഷത. ദക്ഷിണ കൊറിയയിലാണ് ഫോണ്‍ ആദ്യം ലഭ്യമാകുക.
5.5 ഇഞ്ച് ഡിസ്‌പ്ലേയുള്ള ഫോണിന് അതിവേഗ ചാര്‍ജിങ് ആണ് ഉള്ളത്. ആന്‍ഡ്രോയിഡ് 8 ഓപറേറ്റിങ്ങ് സിസ്റ്റത്തില്‍ പ്രവര്‍ത്തിക്കുന്ന ഫോണില്‍ രണ്ട് സിമ്മുകള്‍ ഇടാം. മീഡിയാ ടെക്കിന്റെ നാല് കോറുകളുള്ള പ്രോസസര്‍ ആണ് ഫോണിന് കരുത്ത് പകരുക.
12 മെഗാ പിക്‌സലിന്റെ ക്യാമറാ ലെന്‍സാണ് ഫോണില്‍ ഉപയോഗിച്ചിരിക്കുന്നത്. 5 മെഗാ പിക്‌സലിന്റെ സെല്‍ഫി ക്യാമറയുമുണ്ട്. മുന്‍പിലും പിന്‍പിലും ഫ്‌ലാഷ് സംവിധാനവും ലഭ്യമാണ്. ഈ ഫോണിന് ഇന്ത്യയില്‍ ഏകദേശം 22,000 രൂപയോളം വില വരുമെന്നാണ് റിപ്പോര്‍ട്ട്.
