മുംബൈ: കാശ്മീരി പണ്ഡിറ്റുകളുടെ കഥ പ്രമേയമാക്കിയ ബോളിവുഡ് ചിത്രമാണ് ശിക്കാര- ദി അണ്‍റ്റോള്‍ഡ് സ്റ്റോറി ഓഫ് കശ്മീരി പണ്ഡിറ്റ്. ചിത്രം കാണുന്ന മുതിര്‍ന്ന ബിജെപി നേതാവ് എല്‍.കെ.അദ്വാനി ദുഃഖം അടക്കാന്‍ പറ്റാതെ കരയുന്ന വീഡിയോ ആണിപ്പോള്‍ സാമൂഹ്യമാധ്യമങ്ങളില്‍ വൈറലാവുന്നത്.
അദ്വാനി വികാരഭരിതനായപ്പോള്‍ സംവിധായകന്‍ അദ്ദേഹത്തിന്റെ അടുത്ത് വരികയും ആശ്വസിപ്പിക്കാന്‍ ശ്രമിക്കുന്ന വീഡിയോയും ആണ് വൈറലാവുന്നത്. കാശ്മീരില്‍ നിന്ന് കൂട്ടപലായനം ചെയ്യേണ്ടി വന്ന പണ്ഡിറ്റുകളുടെ ജീവിതത്തെ ആസ്പദമാക്കിയുള്ള കഥയാണ് ചിത്രം.
ത്രീ ഇഡിയറ്റ്സ് തുടങ്ങിയ സൂപ്പര്‍ഹിറ്റ് ചിത്രങ്ങള്‍ക്ക് തിരക്കഥ ഒരുക്കിയ വിധു വിനോദ് ചോപ്രയുടെ ഏറ്റവും പുതിയ ചിത്രമാണ് ശിക്കാര. ഫെബ്രുവരി 7നാണ് ചിത്രം പുറത്തിറങ്ങിയത്.
