മുംബൈ: ലോക്ക്ഡൗണില്‍ ഇളവ് പ്രഖ്യാപിച്ചതോടെ വിവിധ സംസ്ഥാനങ്ങളില്‍ മദ്യശാലകള്‍ തുറന്നു.
ഇതിനെ തുടര്‍ന്ന് ഇന്ന് രാവിലെ മുതല്‍ മദ്യക്കടകള്‍ക്ക് മുന്നില്‍ കിലോമീറ്ററുകള്‍ നീളുന്ന ക്യൂവാണ് അനുഭവപ്പെടുന്നത്.
മദ്യം വാങ്ങാനെത്തുന്നവര്‍ നിശ്ചിത അകലം പാലിച്ചു നില്‍ക്കണമെന്ന നിര്‍ദേശം പലയിടത്തും ലംഘിക്കപ്പെട്ടു.
കര്‍ണാടക, ആന്ധ്ര, മഹാരാഷ്ട്ര, ഛത്തീസ്ഗഡ്, ഡല്‍ഹി, ഉത്തര്‍പ്രദേശ് എന്നീ സംസ്ഥാനങ്ങളിലാണ് മദ്യശാലകള്‍ തുറക്കാന്‍ അനുമതി നല്‍കിയിരിക്കുന്നത്. അതേസമയം, കേരളവും പഞ്ചാബും മദ്യശാലകള്‍ തുറക്കാന്‍ അനുമതി നല്‍കിയിട്ടില്ല.
