തിരുവനന്തപുരം: വീണ്ടും നരേന്ദ്രമോദി തന്നെ പ്രധാനമന്ത്രിയാകണമെന്നായിരുന്നു അന്തരിച്ച ഡോ. ഡി. ബാബുപോളിന്റെ ആഗ്രഹമെന്ന് ഒ.രാജഗോപാല്‍ എംഎല്‍എ.
ലോക്സഭാ തെരഞ്ഞെടുപ്പുകള്‍ പഞ്ചായത്ത് തെരഞ്ഞെടുപ്പ് പോലെയല്ലെന്നായിരുന്നു അദ്ദേഹത്തിന്റെ അഭിപ്രായമെന്നും അത് അദ്ദേഹം പരസ്യമായി പറഞ്ഞിട്ടുമുണ്ടെന്നും ഒ രാജഗോപാല്‍ പറഞ്ഞു.
വിശാലമായ കാഴ്ചപ്പാടും ദേശത്തെ കുറിച്ച് വ്യക്തമായ നിലപാടുമുള്ള വ്യക്തി പ്രധാനമന്ത്രിയാകണം. സമീപകാല അവസ്ഥകള്‍ നോക്കുമ്പോള്‍ മോദി തന്നെ പ്രധാനമന്ത്രിയാകുന്നതാണ് നല്ലത്. ബാബുപോളിനെ അനുസ്മരിച്ചുകൊണ്ടുള്ള വാര്‍ത്ത കുറിപ്പില്‍ രാജഗോപാല്‍ വ്യക്തമാക്കി.
