തിരുവനന്തപുരം: ലോക്സഭാ തെരഞ്ഞെടുപ്പില്‍ യുഡിഎഫ് കേരളം തൂത്തുവാരുമെന്ന് കോണ്‍ഗ്രസ് നേതാവ് കെ.മുരളീധരന്‍.
കേരളത്തില്‍ നേട്ടം കൈവരിക്കാമെന്ന് എല്‍ഡിഎഫ് സ്വപ്നം കാണേണ്ടെന്നും ഉമ്മന്‍ ചാണ്ടി ലോക്‌സഭയിലേക്ക് മത്സരിക്കണമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞത് പാര്‍ട്ടിയുടെ അഭിപ്രായമാണെന്നും എന്നാല്‍ മത്സരിക്കുമോ എന്ന് ഉമ്മന്‍ ചാണ്ടിയോട് തന്നെ ചോദിക്കണമെന്നും മുരളീധരന്‍ പറഞ്ഞു.
അതേമയം, ലോക്‌സഭ തെരഞ്ഞെടുപ്പ് സംബന്ധിച്ച് നിലപാട് അറിയിച്ച് കെപിസിസി പ്രസിഡന്റ് മുല്ലപ്പള്ളി രാമചന്ദ്രനും രംഗത്തെത്തിയിരുന്നു. തെരഞ്ഞെടുപ്പില്‍ വീണ്ടും മത്സരിക്കില്ലെന്നും വടകരയില്‍ പുതിയ സ്ഥാനാര്‍ത്ഥി വരുമെന്നുമാണ് മുല്ലപ്പള്ളി പറഞ്ഞത്.
കെപിസിസി വര്‍ക്കിംഗ് പ്രസിഡന്റുമാര്‍ മത്സരിക്കുന്നതിന് തടസമില്ലെന്നു പറഞ്ഞ മുല്ലപ്പള്ളി ഉമ്മന്‍ ചാണ്ടി മത്സരിക്കണമെന്നാണ് പാര്‍ട്ടിയുടെ ആഗ്രഹമെന്നും അറിയിച്ചിരുന്നു.
