കൊച്ചി :ഇടപ്പള്ളി ലുലു മാളില്‍ ആരംഭിച്ച ഓഫറോടു കൂടിയുള്ള എയര്‍ ഏഷ്യയുടെ ട്രാവല്‍ ഫെയര്‍ ബുക്കിങ് ജനുവരി 7 നു അവസാനിക്കുന്നു. ഇന്ത്യയുടെ പ്രത്യേകിച്ച് കേരളത്തിന്റെ ടൂറിസം മേഖലയുടെ പ്രോത്സാഹനം ലക്ഷ്യമാക്കിയാണ് ട്രാവല്‍ ഫെയര്‍ ഒരുക്കുന്നത്.
സന്ദര്‍ശകര്‍ക്ക് നിരവധി ഡീലുകളും ഓഫറുകളും നല്‍കുന്നതോടൊപ്പം ആകര്‍ഷകങ്ങളായ അവധിക്കാലപാക്കേജുകളും ഒരുക്കിയിട്ടുണ്ട്. 2018 ജനുവരി 15 നും ജൂലൈ 31 നും മധ്യേയുള്ള യാത്രകള്‍ക്ക് 20 ശതമാനം വരെയാണ് ഇളവ് ലഭിക്കുക.
യാത്രക്കാര്‍ക്ക് ആഭ്യന്തര സര്‍വ്വീസുകളിലും ഈ ഓഫര്‍ ലഭ്യമാകുന്നതാണ്. ബെംഗളൂരു, ഹൈദരാബാദ്, വിശാഖപട്ടണം തുടങ്ങിയ നിരവധി സ്ഥലങ്ങളിലേക്ക് യാത്ര ചെയ്യാനും സാധിക്കും. അന്താരാഷ്ട്ര യാത്രയ്ക്കായി ക്വാലാലംപൂര്‍, ബാംഗോക്ക്, ഫുക്കെറ്റ്, സിംഗപ്പൂര്‍, ബാലി, മെല്‍ബണ്‍ തുടങ്ങിയ സ്ഥലങ്ങളിലേക്കും യാത്രകള്‍ പ്ലാന്‍ ചെയ്യാവുന്നതാണ്.
