മലയാളത്തിലെ ആധുനിക സാഹിത്യകാരൻമാരിലെ പ്രിയ കഥാകാരനായ എം.മുകുന്ദന്റെ ചെറുകഥ സിനിമയാകുന്നു. ‘ഓട്ടോറിക്ഷക്കാരന്റെ ഭാര്യ’ എന്ന ചെറു കഥയാണ് വെള്ളിത്തിരയിൽ എത്തുന്നത്.
ക്ലിന്റ് എന്ന ചിത്രത്തിന് ശേഷം ഹരികുമാർ സംവിധാനം ചെയ്യുന്ന ചിത്രമാണ് ഓട്ടോറിക്ഷക്കാരന്റെ ഭാര്യ. എം.മുകുന്ദൻ തന്നെയാണ് ചിത്രത്തിന് തിരക്കഥയും സംഭാഷണവും രചിക്കുന്നത്.
മാഹി മീത്തലപ്പുരയിലെ സജീവൻ എന്ന അലസനായ ഓട്ടോറിക്ഷക്കാരന്റെ ജീവിതത്തിലേക്ക് ഒരു പെൺകുട്ടി കടന്നു വരുന്നതും അവൾ ഓട്ടോ ഡ്രൈവറായി മാറുന്നതുമാണ് ചിത്രത്തിന്റെ കഥ.
ചിത്രത്തിലെ അഭിനേതാക്കളുടെ നിർണയം പൂർത്തിയായിട്ടില്ല. മാഹി, തലശ്ശേരി, പോണ്ടിച്ചേരി എന്നിവിടങ്ങളിലാണ് സിനിമയുടെ ചിത്രീകരണം.
