അന്തനനരിവോ: മഡഗാസ്കറിൽ ദുരിതം വിതച്ച ചുഴലിക്കാറ്റിൽ മരിച്ചവരുടെ എണ്ണം 51 ആയി. 22 പേരെ കാണാതായിട്ടുണ്ട്. 54,000 ആൾക്കാരെ ക്യാമ്പുകളിലേയ്ക്ക് മാറ്റിതാമസിപ്പിക്കുകയും ചെയ്തു. ഒരാഴ്ച മുൻപ് 29 പേരാണ് ചുഴലിക്കാറ്റിനെ തുടർന്ന് മരിച്ചത്.
ജനുവരി 5-6 ദിവസങ്ങളിലാണ് ഇവിടെ ചുഴിക്കാറ്റ് നാശം വിതച്ച് കടന്നു പോയത്. 140 മുതല്‍ 190 വരെ കിലോമീറ്റര്‍ വേഗതയില്‍ ആഞ്ഞടിഞ്ഞ ‘അവ’ മഡഗാസ്‌കറിന്റെ കിഴക്കന്‍ തീരങ്ങളിലാണ് നാശം വിതച്ചത്. ഞായറാഴ്ച 54,000 പേരെ മാറ്റിപാർപ്പിച്ചുവെന്ന് നാഷണൽ ഓഫീസ് ഓഫ് റിസ്ക് ആൻഡ് ഡിസാസ്റ്റർ മാനേജ്മെന്റ് അറിയിച്ചു.
