ചെന്നൈ: സി.ബി.എസ്.ഇ സ്‌കൂള്‍ അധികൃതര്‍ ഒന്ന്, രണ്ട് ക്ലാസുകളിലെ വിദ്യാര്‍ഥികള്‍ക്ക് ഗൃഹപാഠം നല്‍കുന്നതിന് മദ്രാസ് ഹൈകോടതി വിലക്ക് ഏര്‍പ്പെടുത്തി. ഉത്തരവ് നടപ്പാക്കാത്ത സി.ബി.എസ്.ഇ സ്‌കൂളുകളില്‍ പരിശോധന നടത്താന്‍ ഫ്‌ലൈയിംങ് സ്‌ക്വാഡുകള്‍ രൂപീകരിക്കണമെന്നും ഹൈകോടതി നിര്‍ദേശിച്ചു.
കുട്ടികള്‍ക്ക് അധിക ഭാരമാകുന്ന, പാഠ്യപദ്ധതി നിര്‍ദേശിക്കാത്ത പുസ്തകങ്ങള്‍ ഒഴിവാക്കാന്‍ സംസ്ഥാനങ്ങള്‍ക്ക് നിര്‍ദേശം നല്‍കണമെന്നും കൂടാതെ, ഈ വിഷയങ്ങളില്‍ നാലാഴ്ചക്കകം റിപ്പോര്‍ട്ട് സമര്‍പ്പിക്കാനും നാഷണല്‍ കൗണ്‍സില്‍ ഫോര്‍ എഡ്യുകേഷണല്‍ റിസര്‍ച്ചി(എന്‍.സി.ഇ.ആര്‍.ടി)നോടും കേന്ദ്ര സര്‍ക്കാറിനോടും കോടതി നിര്‍ദേശിച്ചു.
