മാഡ്രിഡ്: ലാ ലിഗ മാഡ്രിഡ് ഡര്‍ബി ഗോളില്ലാ സമനിലയില്‍. തുടര്‍ച്ചയായ രണ്ടാം മത്സരത്തിലും വിജയം അകന്നതോടെ പോയിന്റ് പട്ടികയില്‍ ഒന്നാമതെത്താനുള്ള അവസരം റയല്‍ മാഡ്രിഡ് കളഞ്ഞുകുളിച്ചു. അത്‌ലറ്റികോയും റയലും ഗോള്‍ അവസരങ്ങള്‍ നഷ്ടപ്പെടുത്താന്‍ മത്സരിച്ചതോടെയാണ് മത്സരം ഗോളില്ലാ സമനിലയില്‍ കലാശിച്ചത്.
വെയ്ല്‍സ് താരം ഗാരെത് ബെയ്‌ലിന്റെ സൂപ്പര്‍ വോളി അകന്നുപോയത് റയലിന്റെ വിധിയായി. അന്‍ോണിയോ ഗ്രീസ്മാന്‍ സുവര്‍ണാവസരം നഷ്ടപ്പെടുത്തിയത് അത്‌ലറ്റികോയ്ക്കും വിനയായി.
ഗ്രീസ്മാന്റെ ദുര്‍ബലമായ ഷോട്ട് റയല്‍ ഗോള്‍ കീപ്പര്‍ തിബോട്ട് കോര്‍ട്ടോയിസ് അനായാസം കൈപ്പിടിയിലൊതുക്കി. രണ്ടാം പകതിയില്‍ ബെയ്ല്‍ പരിക്കേറ്റു പുറത്തുപോയതും റയലിനു തിരിച്ചടിയായി.
