മാഡ്രിഡ് : മാഡ്രിഡ് ഓപ്പണ്‍ ടെന്നീസ് കിരീടം ചെക്ക് റിപ്പബ്ലിക്ക് താരം പെട്രാ ക്വിറ്റോവയ്ക്ക്. ഹോളണ്ടിന്റെ കികി ബെർടെൻസിനെ പരാജയപ്പെടുത്തിയാണ് ക്വിറ്റോവ തന്റെ മൂന്നാം കിരീടത്തിൽ മുത്തമിട്ടത്.സ്കോർ: 7-6 (6), 4-6, 6-3. രണ്ടാം സെറ്റ് നഷ്‌ടമായ ക്വിറ്റോവ ശക്തമായ തിരിച്ചു വരവിലൂടെയാണ് കിരീടം സ്വന്തമാക്കിയത്.
രണ്ടാം സെറ്റിന് ശേഷം മിന്നുന്ന പോരാട്ടമാണു ക്വിറ്റോവ കാഴ്ചവച്ചത്. രണ്ടു മണിക്കൂർ 52 മിനിറ്റ് നീണ്ടുനിന്നു മത്സരം. ലോക പത്താം നമ്പർ താരമായ ക്വിറ്റോവയുടെ മൂന്നാം മാഡ്രിഡ് ഓപ്പൺ കിരീടമാണിത്. 2011, 2015 വർഷങ്ങളിലും ക്വിറ്റോവ മാഡ്രിഡ് ഓപ്പണ്‍ കിരീടം സ്വന്തമാക്കിയിരുന്നു.
