തെന്നിന്ത്യയില്‍ മുന്‍നിരയിലുള്ള താരമാണ് മഹേഷ് ബാബു. മഹേഷ് ബാബുനായകനായ ഗുണ്ടുര്‍ കാരം സിനിമയാണ് ഇനി റിലീസിനായ് കാത്തിരിക്കുന്നത്. തിയറ്റര്‍ റൈറ്റ്‌സില്‍ മഹേഷ് ബാബു ചിത്രത്തിന് വമ്പന്‍ തുകയാണ് ലഭിച്ചത് എന്നാണ് പുതിയ റിപ്പോര്‍ട്ട്. 120 കോടി രൂപയാണ്് തിയറ്റര്‍ റൈറ്റ്‌സും, ഒടിടി റൈറ്റ്‌സിന് മാത്രമായി 50 കോടി രൂപയും ലഭിച്ചു എന്നാണ് ചില മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്. ജനുവരി 14നാണ് റിലീസ് തീരുമാനിച്ചിരിക്കുന്നത്. ശ്രീലീല നായികയായും എത്തുന്ന പുതിയ ചിത്രത്തില്‍ മീനാക്ഷി ചൗധരി, രമ്യ കൃഷ്ണന്‍ എന്നിവരും അണിനിരക്കുന്നു.
മഹേഷ് ബാബു നായകനായി എത്തുന്ന ചിത്രത്തിന്റെ തിരക്കഥയും സംവിധാനവും ത്രിവിക്രം ശ്രീനിവാസാണ്. ഗുണ്ടുര്‍ കാരത്തിന്റെ ബോക്‌സ് ഓഫീസ് കളക്ഷന്‍ നിര്‍മാതാവ് നാഗ വംശി പ്രവചിച്ചത് വലിയ ചര്‍ച്ചയായിരുന്നു. ഹിറ്റ്‌മേക്കര്‍ എസ് എസ് രാജമൗലി ചിത്രങ്ങള്‍ക്ക് ലഭിക്കുംവിധം ത്രിവിക്രം ശ്രീനിവാസിന്റെ ഗുണ്ടുര്‍ കാരവും കളക്ഷന്‍ നേടുമെന്നാണ് നാഗ വംശി പ്രവചിച്ചത്. ആഗോളതലത്തില്‍ ബോക്‌സ് ഓഫീസ് കളക്ഷനില്‍ സംവിധായകന്‍ എസ് എസ് രാജമൗലിയുടെ ആര്‍ആര്‍ആറും ബാഹുബലയൊക്കെ 1000 കോടിയിലധികം നേടി റെക്കോര്‍ഡിട്ടതാണ്. അതിനാല്‍ നിര്‍മാതാവ് നാഗ വംശി പറഞ്ഞതു കേട്ട് മഹേഷ് ബാബുവിന്റെ ആരാധകര്‍ ഗുണ്ടുര്‍ കാരത്തിനായി ആകാംക്ഷയോടെ കാത്തിരിക്കുകയാണ്.
