അമിത് രവിന്ദര്‍നാഥ് ശര്‍മ്മ സംവിധാനം ചെയ്യുന്ന പുതിയ ചിത്രമാണ് മൈദാന്‍. ചിത്രത്തില്‍ അജയ് ദേവ്ഗണ്‍ ആണ് നായകനായെത്തുന്നത്. ചിത്രത്തിന്റെ ടീസര്‍ പോസ്റ്റര്‍ ആണ് അണിയറപ്രവര്‍ത്തകര്‍ ഇപ്പോള്‍ പുറത്തുവിട്ടിരിക്കുന്നത്.
1951ലും 1962ലും ഏഷ്യന്‍ ഗെയിംസില്‍ ഇന്ത്യയെ വിജയത്തിലേക്ക് നയിച്ച പരിശീലകനാണ് സെയ്ദ് അബ്ദുള്‍ റഹ്മാന്‍. ഈ ഫുട്‌ബോള്‍ പരിശീലകനായാണ് അജയ് ദേവ്ഗണ്‍ ചിത്രത്തില്‍ അഭിനയിക്കുന്നത്.
പുതിയ ടീസര്‍ പോസ്റ്ററില്‍ ചെളി നിറഞ്ഞ മൈതാനത്ത് നില്‍ക്കുന്ന ഫുട്‌ബോള്‍ താരങ്ങളെയാണ് ഉള്‍പ്പെടുത്തിയിരിക്കുന്നത്. എന്നാല്‍ താരങ്ങളുടെ മുഖം കാണിക്കുന്നില്ല.
