മലപ്പുറം: മഞ്ചേരി തൃക്കലങ്ങോട് ആനക്കോട്ടുപുറം നെല്ലിക്കുന്നിലെ ഫാമില്‍ പളുക്കള്‍ കൂട്ടത്തോടെ ചത്തു. വിഷാംശമടങ്ങിയ പുല്ല് തിന്നതാണ് പശുക്കള്‍ കൂട്ടത്തോടെ ചാകാന്‍ കാരണം എന്നാണ് പ്രാഥമിക വിവരം. പോസ്റ്റുമോര്‍ട്ടത്തിന് ശേഷമേ കൂടുതല്‍ വിവരങ്ങള്‍ പറയാനാകൂ എന്നാണ് ഡോക്ടര്‍മാര്‍ പറയുന്നത്.
ഫാമിലുള്ള 13 പശുക്കളാണ് ചത്തത്. പശുക്കളെ കറവ നടത്തിയതിന് ശേഷം മണിക്കൂറുകള്‍ ഇടവിട്ട് ഓരോ പശുക്കളും ചത്തുവീഴുകയായിരുന്നു.
