പിന്നണി ഗായകനും റിയാലിറ്റി ഷോ താരവുമായിരുന്ന മുഹമ്മദ് അജ്മലിന്റെ മലരേ മൗനമായ് -പൂക്കള്‍ പൂക്കും തരുണം കവര്‍ വേര്‍ഷന്‍ ശ്രദ്ധ നേടുന്നു. അജ്മല്‍ പാടിയ ഗാനം ഗായിക ചിത്രയാണ് റീലീസ് ചെയ്തത്. റഹീപ്പ് മീഡിയ ഗാനത്തിന് ദൃശ്യങ്ങള്‍ ഒരുക്കിയപ്പോള്‍ അലന്‍ രാജു വോക്കല്‍ ആന്‍ഡ് പ്രോഗ്രാമും രഞ്ജിത്ത് രവീന്ദ്രന്‍ മിക്‌സിങ്ങും നിര്‍വഹിച്ചിരിക്കുന്നു.
നാട്ടിലും വിദേശത്തുമായി നിരവധി സ്റ്റേജ് ഷോകളിലൂടെ ശ്രദ്ധേയനായ അജ്മല്‍ ഖത്തറിലെ മലയാളം എഫ്. എമ്മില്‍ ജോലി ചെയ്യുകയാണ്. നിലവില്‍ ഗോപി സുന്ദറിന്റെ മ്യൂസ്സിക് ബാന്റ് ബിഗ് ജിയുടെ ഭാഗം കൂടിയാണ് അജ്മല്‍.
മോഹന്‍ലാല്‍-പ്രിയദര്‍ശന്‍-വിദ്യാസാഗര്‍ കൂട്ടുകെട്ടില്‍ പിറന്ന ഗീതാഞ്ജലി എന്ന ചിത്രത്തിലെ മനോഹര ഗാനം ‘മധുമതി വിരിഞ്ഞുവോ’ എന്ന ഗാനത്തിലൂടെയാണ് അജ്മല്‍ സിനിമയില്‍ അരങ്ങേറ്റം കുറിക്കുന്നത്. ദീപക് ദേവിന്റെ സംഗീതത്തില്‍ ലാവണ്ടര്‍ സിനിമയിലും അജ്മല്‍ പാടിയിട്ടുണ്ട്.
