ടോവിനോ ചിത്രമായ ഫോറന്‍സിക് റിലീസിനായി ഒരുങ്ങുന്നു. സിനിമയുടെ ട്രെയിലര്‍ അടുത്ത ആഴ്ച അണിയറ പ്രവര്‍ത്തകര്‍ പുറത്തുവിടും. ഫോറന്‍സിക്ക് ഉദ്യോഗസ്ഥനായിട്ടാണ് നടന്‍ ചിത്രത്തില്‍ എത്തുന്നത്. ടൊവിനോയും മംമ്താ മോഹന്‍ദാസും ആദ്യമായി ഒന്നിക്കുന്ന ചിത്രം കൂടിയാണിത്.
സാമുവല്‍ ജോണ്‍ കാട്ടൂക്കാരന്‍ എന്ന കഥാപാത്രത്തെയാണ് ടോവിനോ ചിത്രത്തില്‍ അവതരിപ്പിക്കുന്നത്. സൈജു കുറുപ്പ്, അനില്‍ മുരളി, ഗിജു ജോണ്‍, ധനേഷ് ആനന്ദ്, റീബ മോണിക്ക ജോണ്‍ തുടങ്ങിയവരാണ് സിനിമയില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
അനസ് ഖാനൊപ്പം അഖില്‍ പോള്‍ രചനയും സംവിധാനവും നിര്‍വ്വഹിക്കുന്ന സിനിമ കൂടിയാണിത്. സയന്‍സ് ഓഫ് ക്രൈം എന്ന ടാഗ് ലൈനിലാണ് ചിത്രം എത്തുന്നത്. അഖില്‍ ജോര്‍ജ്ജ് ഛായാഗ്രഹണം നിര്‍വ്വഹിക്കുന്ന സിനിമയ്ക്ക് ജേക്ക്സ് ബിജോയ് ആണ് സംഗീതമൊരുക്കുന്നത്.
ജൂവിസ് പ്രൊഡക്ഷന്‍സിന്റെ ബാനറില്‍ സിജു മാത്യൂ, നെവിസ് സേവ്യര്‍ തുടങ്ങിയവര്‍ക്കൊപ്പം രാഗം മൂവീസ് രാജു മല്ല്യത്തും ചേര്‍ന്നാണ് ചിത്രം നിര്‍മ്മിക്കുന്നത്.
