ഏഷ്യന്‍ ഗെയിംസ് പുരുഷന്മാരുടെ ലോങ്ജംപില്‍ മലയാളി താരം എം ശ്രീശങ്കര്‍ ഫൈനലില്‍. രാവിലെ നടന്ന രണ്ടാം ഹീറ്റ്സ് മത്സരത്തില്‍ 7.97 മീറ്റര്‍ ദൂരത്തില്‍ ചാടിയാണ് ശ്രീശങ്കര്‍ ഫൈനലിലേക്ക് യോഗ്യത നേടിയത്. ആദ്യ ശ്രമത്തില്‍ തന്നെ താരം യോഗ്യതാമാര്‍ക്ക് മറികടന്നിരുന്നു. ഒക്ടോബര്‍ ഒന്നിനാണ് ഫൈനല്‍ മത്സരങ്ങള്‍ നടക്കുക. പുരുഷന്മാരുട 1500 മീറ്ററില്‍ ജിന്‍സണ്‍ ജോണ്‍സണും ഫൈനലിലേക്ക് യോഗ്യത നേടി. ഇതോടെ, 1500 മീറ്ററില്‍ ഇന്ത്യയുടെ അജയ് കുമാര്‍ ഉള്‍പ്പെടെ രണ്ട് പേര്‍ ഫൈനലില്‍ മത്സരിക്കും.
10 മീറ്റര്‍ എയര്‍ പിസ്റ്റല്‍ മിക്‌സഡ് ടീം ഇനത്തില്‍, ഇന്ത്യയുടെ സരബ്ജോത് സിങ്ങും ദിവ്യ താദിഗോളും 577 പോയിന്റോടെ ഗോള്‍ഡ് മെഡല്‍ മച്ചില്‍ മുന്നിലെത്തി. സ്വര്‍ണ മെഡലിനായി ചൈനയോട് ഇരുവരും ഏറ്റുമുട്ടും. പാകിസ്ഥാന്‍, ജപ്പാന്‍, കൊറിയ, ഇറാന്‍ എന്നീ രാജ്യങ്ങള്‍ വെങ്കലത്തിനായുള്ള ബ്രോണ്‍സ് മെഡല്‍ മാച്ചില്‍ മുന്നിലുണ്ട്.
