കാസര്‍ഗോഡ്: ഐഎസ്സില്‍ നിന്നും മലയാളികള്‍ ഉള്‍പ്പടെയുള്ളവര്‍ ആയുധ പരിശീലനം നടത്തുന്ന ചിത്രങ്ങള്‍ പുറത്ത്.
അഫ്ഗാനിസ്ഥാനിലെ കോറോസനില്‍ നിന്നും ഐ.എസ്സ് ഭീകരന്‍മാര്‍ ആയുധ പരിശീലനം നടത്തുന്ന ചിത്രങ്ങളാണ് പുറത്തു വന്നിരിക്കുന്നത്. കാസര്‍ഗോഡ് ജില്ലയില്‍ നിന്നു ഉള്‍പ്പടെ ഐ.എസ്സ് കേന്ദ്രത്തിലെത്തിയ സംഘമാണ് ആയുധ പരിശിലനത്തിലേര്‍പ്പെട്ടിരിക്കുന്നതെന്ന് രഹസ്യന്വേഷണ എജന്‍സികള്‍ കണ്ടെത്തിയിട്ടുണ്ട്. കണ്ണൂര്‍ ജില്ലയില്‍ നിന്നും സിറിയയിലെ ഐ.എസ്സ് കേന്ദ്രത്തിലെത്തിയ അബദുള്‍ ഖയുമിന്റെ തോക്ക് കൈയിലേന്തിയ ചിത്രവും ഇതിലുണ്ട്.
ഐ.എസ്സിലേക്ക് സാമ്പത്തിക സഹായം ആവശ്യപെട്ടുള്ള ശബ്ദ സന്ദേശം വാട്ട്‌സ അപ്പ് ഗ്രൂപ്പ് വഴി പ്രചരിക്കുന്നതിനിടെയാണ് ചിത്രങ്ങളും പുറത്തായിരിക്കുന്നത്. കാസര്‍ഗോഡ് നിന്നും ഐ.എസ്സ് ക്യാംപിലെത്തിയ അബ്ദുള്‍ റഷിദാണ് സന്ദേശം അയച്ചിരിക്കുന്നത്.
ഇതിനിടയിലാണ് ഐ എസ്സ് ആശയങ്ങള്‍ മലയാളികള്‍ക്കിടയില്‍ പ്രചരിപ്പിക്കുന്നതിനായി അന്‍പതാം വോള്യം ശബ്ദ സന്ദേശം പുറത്തു വന്നു. ഇതിലൂടെ സാമ്പത്തിക സഹായവും അഭ്യര്‍ഥിക്കുന്നുണ്ട്. ഇതേ തുടര്‍ന്ന് രാജ്യത്തിന്റെ അകത്തു നിന്നും പുറത്തേക്ക് നടക്കുന്ന സാമ്പത്തിക ഇടപാടുകള്‍ക്ക് ശക്തമായ നിരീക്ഷമേര്‍പ്പെടുത്തിയിട്ടുണ്ട്.
