മമ്മൂട്ടി ഒരു റോഡ് മൂവിയില്‍ നായകനാകുന്നു. ശ്യാമപ്രസാദ് സംവിധാനം ചെയ്യുന്ന ചിത്രത്തിലാണ് മമ്മൂട്ടി നായകനാകുന്നത്. ചിത്രത്തില്‍ മമ്മൂട്ടി ടാക്‌സി ഡ്രൈവറായിട്ടാണ് അഭിനയിക്കുക.
ഒരു ദീര്‍ഘദൂര യാത്രയില്‍ ടാക്‌സി ഡ്രൈവര്‍ നേരിടേണ്ടി വരുന്ന അനുഭവങ്ങളാണ് ചിത്രത്തില്‍ പറയുന്നത്. ജോഷ്വാ ന്യൂട്ടനാണ് ചിത്രത്തിന്റെ തിരക്കഥയെഴുതുന്നത്. ശ്യാമപ്രസാദ് ഒരുക്കിയ ഋതു, ഓഫ് സീസണ്‍ (കേരള കഫേ) എന്നീ ചിത്രങ്ങളുടെ തിരക്കഥയെഴുതിയത് ജോഷ്വാ ന്യൂട്ടണായിരുന്നു.
നേരത്തെ ബാവൂട്ടിയുടെ നാമത്തില്‍ എന്ന ചിത്രത്തില്‍ മമ്മൂട്ടി ടാക്‌സി ഡ്രൈവറായി അഭിനയിച്ചിരുന്നു.
