മലയാളികളുടെ പ്രിയ താരജോഡികളായ മമ്മൂട്ടിയും സുഹാസിനിയും വീണ്ടും ഒന്നിക്കുന്നു. എന്നാല്‍ മലയാളത്തിലല്ല, തെലുങ്കിലാണെന്നു മാത്രം. അന്തരിച്ച ആന്ധ്രാപ്രദേശ് മുഖ്യമന്ത്രി വൈ.എസ്. രാജശേഖര റെഡ്ഢിയുടെ ജീവിതകഥ പറയുന്ന മമ്മൂട്ടി ചിത്രം യാത്രയില്‍ സുപ്രധാനമായ ഒരു വേഷം സുഹാസിനി അവതരിപ്പിക്കുന്നുണ്ടെന്ന് ചിത്രത്തിന്റെ അണിയറ പ്രവര്‍ത്തകര്‍ സ്ഥിരീകരിച്ചു. ചിത്രത്തിലെ മമ്മൂട്ടിയുടെ നായികയെ ഇതുവരെ തീരുമാനിച്ചിട്ടില്ല. രണ്ടു പതിറ്റാണ്ടുകള്‍ക്കു ശേഷമാണ് മമ്മൂട്ടി തെലുങ്കില്‍ അഭിനയിക്കുന്നത്.
കൂടെവിടെ, മണിവത്തൂരിലെ ആയിരം ശിവരാത്രികള്‍, അക്ഷരങ്ങള്‍, എന്റെ ഉപാസന, കഥ ഇതുവരെ, പ്രണാമം, രാക്കുയിലിന്‍ രാഗസദസില്‍ തുടങ്ങിയ ഒരു പിടി ചിത്രങ്ങളിലൂടെ മലയാളികളുടെ മനസില്‍ ചേക്കേറിയ താര ജോഡികളാണ് മമ്മൂട്ടിയും സുഹാസിനിയും.
