മധുരരാജ കോടി ക്ലബില്‍ ഇടം നേടണമെന്ന് ഒരാഗ്രവും തനിക്കില്ലെന്ന് മെഗാസ്റ്റാര്‍ മമ്മൂട്ടി. 3 കോടി 35 ലക്ഷം ജനങ്ങളുടെ മനസ്സുകളുടെ ക്ലബിലാണ് മധുരരാജ ഇടം നേടേണ്ടതെന്നും മമ്മൂട്ടി പറഞ്ഞു. കൊച്ചിയില്‍ നടന്ന മധുരരാജയുടെ പ്രീ ലോഞ്ച് ചടങ്ങിനിടെയായിരുന്നു മമ്മൂട്ടിയുടെ ഈ ഡയലോഗ്.
ചടങ്ങില്‍ മമ്മൂട്ടിയെ കൂടാതെ സിദ്ദിഖ്, സലിംകുമാര്‍, രമേഷ് പിഷാരടി, ബാലചന്ദ്രന്‍ ചുളളിക്കാട് തുടങ്ങിയവരും മറ്റ് അണിയറപ്രവര്‍ത്തകരും പങ്കെടുത്തു. നാളെയാണ് ചിത്രം റിലീസ് ചെയ്യുന്നത്.
വൈശാഖ് സംവിധാനം ചെയ്യുന്ന ചിത്രം പോക്കിരി രാജയുടെ രണ്ടാം ഭാഗമാണ്. പീറ്റര്‍ ഹെയിന്‍ ആണ് ചിത്രത്തിന്റെ ആക്ഷന്‍ രംഗങ്ങള്‍ കൈകാര്യം ചെയ്തിരിക്കുന്നത്. ചിത്രത്തിലെ നായികമാരായി എത്തുന്നത് അനുശ്രീയും ഷംന കാസിമുമാണ്.
ആര്‍ കെ സുരേഷ്, നെടുമുടി വേണു, വിജയ രാഘവന്‍, സലിം കുമാര്‍, അജു വര്‍ഗീസ്, ധര്‍മജന്‍ ബോള്‍ഗാട്ടി, ബിജുക്കുട്ടന്‍, സിദ്ധിഖ്, എം ആര്‍ ഗോപകുമാര്‍, കൈലാഷ്, ബാല, മണിക്കുട്ടന്‍, നോബി, ബാലചന്ദ്രന്‍ ചുള്ളിക്കാട്, ചേര്‍ത്തല ജയന്‍, ബൈജു എഴുപുന്ന, സന്തോഷ് കീഴാറ്റൂര്‍, കരാട്ടെ രാജ്, മഹിമ നമ്പ്യാര്‍ എന്നിവരും മറ്റു കഥാപാത്രങ്ങളെ അവതരിപ്പിക്കുന്നു.
നെല്‍സണ്‍ ഐപ്പാണ് ചിത്രം നിര്‍മ്മിക്കുന്നത്.
