ബംഗളുരു: കര്‍ണാടകയിലെ റെയ്ച്ചൂരില്‍ സര്‍ക്കാര്‍ ജീവനക്കാരിയായ നസ്രീനെ സഹപ്രവര്‍ത്തകന്‍ ആഞ്ഞു ചവിട്ടുന്നതിന്റെ ദൃശ്യങ്ങള്‍ പുറത്ത്.
ഓഫീസില്‍ വൈകിയെത്തിയ ജീവനക്കാരിയുമായി ഇയാള്‍ വഴക്കിടുകയും തുടര്‍ന്ന് അവരെ ചവിട്ടുകയുമായിരുന്നു.
സിസിടിവിയില്‍ പതിഞ്ഞ സംഭവത്തിന്റെ ദൃശ്യങ്ങള്‍ ന്യൂസ് ഏജന്‍സിയായ എ.എന്‍.ഐ പുറത്തു വിട്ടു.
റമദാന്‍ നോമ്പെടുത്ത യുവതി ഓഫീസില്‍ വൈകിയെത്തുകയും ഇത് ചോദ്യം ചെയ്ത ശരണപ്പയുമായി വാക്കേറ്റമുണ്ടാകുകയും തുടര്‍ന്ന് സീറ്റില്‍ നിന്നെഴുന്നേറ്റ് യുവതിയെ ആഞ്ഞു ചവിട്ടുകയുമായിരുന്നു.
നസ്രീന്റെ പരാതിയെ തുടര്‍ന്ന് ശരണപ്പയെ സര്‍വ്വീസില്‍ നിന്നും പുറത്താക്കി.
