മനാമ: പുതുവര്‍ഷത്തിലും മൂടല്‍ മഞ്ഞിനെ തുടര്‍ന്ന് രാജ്യത്ത് ഗതാഗതം തടസപ്പെട്ടു. മൂടല്‍ മഞ്ഞുണ്ടാകുമെന്ന് കഴിഞ്ഞ ദിവസം കാലാവസ്ഥാവകുപ്പ് പ്രവചിച്ചിരുന്നു.
കാഴ്ച മറയുന്നതിനാല്‍, പുതുവര്‍ഷ ദിനത്തില്‍ പോലും ജനങ്ങള്‍ക്ക് റോഡുകളില്‍ ദീര്‍ഘനേരം തടസം നേരിടേണ്ടിവന്നു. കടലോര മേഖലകളിലാണ് കൂടുതലായും മഞ്ഞ് അനുഭവപ്പെട്ടത്.
മൂടല്‍ മഞ്ഞ് ഇനിയും തുടരുമെന്നാണ് കാലാവസ്ഥാവകുപ്പ് അറിയിച്ചിട്ടുള്ളത്. മഞ്ഞിന്റെ പിടിയില്‍പ്പെട്ട് അസുഖങ്ങള്‍ ഉണ്ടാകാതിരിക്കാനുള്ള മുന്‍കരുതലുകളെടുക്കുകയാണ് ജനങ്ങള്‍.
